بنيت قصرى من الأحلام
200مره وهديته
بطوبه وعود وطوبه كلام
لغايه حلمى مانسيته
ومجاش واحد من الحكام
وهمه إتعدى حدود بيته
وحاشيه دايما وراه ماشيه
بتدعيله بعمار بيته
وتدعيله بطوله العمر
إن شاء الله حتى لو يشبه
قرد وشافو تنطيطه
وتدعى عليه لو أطالب
بعيشه كريمه فى بلادى
ويقولو لابد أتحاسب
ويطالبو بموتى مع ولادى
ولو هبت فى يوم ثوره
وجابت عهد تانى جديد
يقولو داصوتى كان ثوره
ويقولو عنى قلبى حديد
وفى ثانيه يبيعو فى الحاكم
ويقولو دا لابد يتحاكم
دا كان ظالم كمان وعنيد
وبالثوره يغور حاكم
وحاكم غيره يتحكم
ونفس الحاشيه بنفاقها
على عيوبه بتتكتم
بس نفاقها بشكل جديد
وأنا واقف مابين الاتنين
ماأعرفش مكانى بالتحديد
ولا عارف هاترسي لفين
ياترسى عميل ياترسى شهيد
